Հայտնի է դարձել, թե ինչ էր տեղափոխում Կարմիր ծովում խորտակված Rubymar բեռնատար նավը
Բրիտանական Rubymar բեռնատար նավը, որը խորտակվել է Կարմիր ծովում Եմենի հութի ապստամբների՝ Անսար Ալլահ շարժման գրոհից հետո, տեղափոխում էր մոտ 21 հազար տոննա պարարտանյութ։
Այս մասին հայտնում է ՏԱՍՍ-ը՝ վկայակոչելով ԱՄՆ կենտրոնական հրամանատարությանը (CENTCOM):
«Մոտ 21 հազար տոննա ամոնիումի սուլֆատով և ֆոսֆատով պարարտանյութերը, որոնք նավը տեղափոխել է, վտանգ էր ներկայացնում Կարմիր ծովի շրջակա միջավայրի համար»,- նշել են գերատեսչությունում։
Մարտի 2-ին հայտնի էր դարձել, որ փետրվարին հարձակման ենթարկված Rubymar բեռնատար նավը մարտի 1-ի երեկոյան խորտակվել է Կարմիր ծովում։
Կարծիքներ