Պետրոս Ղազարյանի կարծիքով՝ ընդամենը մեկ մեքենա են գնել և ոչ թե բիզնես են տվել վարչապետի դստերը. «Մեդիա Պաշտպան»
«Մեդիա Պաշտպան» նախաձեռնությունը ֆեյսբուքյան էջում գրառում է կատարել։
««Մեդիա Պաշտպան» հորդորում է զբաղվել անկողմնակալ և չեզոք լրագրողական աշխատանքով
«Մեդիա Պաշտպան» նախաձեռնությունը համացանցից տեղեկացավ, որ Հանրային Հեռուստաընկերության լրատվական բաժնի ղեկավար Պետրոս Ղազարյանը փորձել է արդարացնել ՀՀ վարչապետի դստեր՝ Մարիամ Փաշինյանի համար պետական միջոցներով ավտոմեքենա գնելու հանգամանքը։
«Մեդիա Պաշտպան» նախաձեռնությունը հիշեցնում է, որ հենց ինքը՝ Պետրոս Ղազարյանն է աշխատավարձ ստանում պետական միջոցներից և իր կարծիքը կամ մեկնաբանությունը պետք է բալանսավորված լինի և չպետք է նախապատվություն տա որևէ կողմի։ Տվյալ դեպքում, հստակ երևում է լրատվականի պետի կողմնակալ վերաբերմունքը հարցին։ Գրառումը պարունակում է մեկնաբանություն մի հարցի վերաբերյալ, որի պարագայում Հանրային Հեռուստաընկերության լրատվական բաժնի ղեկավարի պետք է պահպաներ չեզոքություն։
Պետրոս Ղազարյանի կարծիքով՝ ընդամենը մեկ մեքենա են գնել և ոչ թե բիզնես են տվել վարչապետի դստերը։ Համացանցում արդեն իսկ հայտնվել են Պետրոս Ղազարյանի գրառմանն ուղված մեկնաբանություններ, որոնցում նշվում է, որ վարչապետի աշխատակազմում բազմաթիվ մեքենաներ կային և կարիք չկար պետական միջոցներից նոր գնում կատարել։ Մեկ այլ մեկնաբանության համաձայն, ի՞նչ վտանգ պետք է սպառնա Հայաստանի պատմության մեջ ամենալեգիտիմ և ամենասիրված ղեկավարի ընտանիքին։
«Մեդիա Պաշտպան» նախաձեռնությունը, զերծ մնալով մեքենայի գնման մասին մեկնաբանություններից, հորդորում է Պետրոս Ղազարյանին զբաղվել Հանրային Հեռուստաընկերության հարիր՝ անկողմնակալ և չեզոք լրագրողական աշխատանքով»։
Կարծիքներ