Իրանը հետաքրքրված չէ ԱՄՆ հետ նոր գործարքի կնքմամբ․ Իրանի փոխնախագահ
Նարեկ Հարությունյան
10 Փետրվար 2025 | 20:00
0
Իրանի եւ Միացյալ Նահանգների միջեւ նոր գործարքի կնքումը չի համապատասխանելու Իսլամական Հանրապետության շահերին։ Այդ մասին այսօր՝ Իրանում Իսլամական հեղափոխության հաղթանակի 46-րդ տարեդարձի օրը հայտարարել է Իրանի փոխնախագահ Մուհամմադ Ռըզա Արեֆը։ «Միացյալ Նահանգներին երբեք հնարավոր չի եղել հավատալ, ու չի կարելի հավատալ նաեւ այսօր։ ԱՄՆ հետ գործարքը պետք է ձեռնտու լինի երկու կողմերին էլ։ Այսօր մենք չենք կարծում, թե ԱՄՆ հետ գործարքը համապատասխանելու է մեր շահերին»,- հայտարարել է Արեֆը։
Նա հավելել է, որ ԱՄՆ նախագահ Դոնալդ Թրամփն անցյալում արդեն ցույց է տվել, որ վստահելի չէ։ «Դժվար թե հիմա նա կփոխի իր կեցվածքը»,- ասել է Իսլամական Հանրապետության փոխնախագահը։
Կարծիքներ