«Սյունիքը» միացել է ECA-ին
Կարեն Մարտիրոսյան
13 Փետրվար 2025 | 15:08
0
«Սյունիք ՖԱ»-ն պաշտոնապես միացել է Եվրոպական Ակումբների Ասոցիացիային (ECA):
ECA-ն Եվրոպայի պրոֆեսիոնալ ֆուտբոլային ակումբների առաջատար անկախ մարմինն է` ճանաչված է ՈՒԵՖԱ-ի և ՖԻՖԱ-ի կողմից, որի անդամների թիվը գերազանցում է 700-ը։ Ասոցիացիայի նպատակն է եվրոպական ֆուտբոլում ունենալ կառուցողական դեր՝ երաշխավորելով, որ ակումբները մեծ դեր ունեն կարեւորագույն որոշումների կայացման հարցում։
«Միանալով այս հեղինակավոր կազմակերպությանը՝ մենք ձեռք ենք բերում հզոր ցանց, բացառիկ զարգացման ծրագրեր և փորձագիտական աջակցություն, որոնք կօգնեն մեզ աճել դաշտում և դրանից դուրս: ECA-ի գործունեության հիմքում են ընկած չորս հիմնական սկզբունքներ՝ ներկայացում, մասնակցություն, համագործակցություն և ծառայություն, որոնք ապահովում են, որ ակումբները վճռորոշ դեր ունենան եվրոպական ֆուտբոլի ապագան ձևավորելու գործում։ Կրթական ծրագրերի, հետազոտությունների և մասնագիտական խորհրդատվության միջոցով Սյունիք ՖԱ-ն կօգտվի ոլորտի լավագույն փորձից՝ ուժեղացնելու ակումբը երկարաժամկետ հաջողության համար»,- նշում են ակումբից:
Կարծիքներ