Ակնհայտ է մի բան, որ նախկին իշխանությունները ճիշտ էին. Շարմազանով
ՀՀԿ խոսնակ Էդուարդ Շարմազանովը ֆեյսբուքյան իր էջում գրում է.
«Այսօր 2016թ.-ի ապրիլյան իրադարձություններն ուսումնասիրող հանձնաժողովի նախագահը հայտարարել է, որ Ապրիլյան պատերազմի ժամանակ դիրքերում մեր զինուժը սպառազինության, վառելիքի, սննդի խնդիր չի ունեցել:
Ըստ այդմ, արձանագրենք, որ տարիներ շարունակ պետականաքանդ շրջանակները՝ գրանտակերները, ապազգային իբր ընդդիմադիրները, իբր իրավապաշտպանները, գործող իշխանության հետ սերտ առնչվողները դավաճանական քարոզ են արել ընդդեմ Հայաստանի Հանրապետության եւ իշխանությունների:
Եւ ուրեմն քանի որ սկսել եք, պետք է ավարտին հասցնեք. հանձնաժողովը պետք է գնահատական տա այս դավադիր վարքագծին:
Ապրիլյան պատերազմում մենք բոլորս հաղթել ենք Ադրբեջանին: Հաղթել ենք մեր միասնության շնորհիվ, ժողովրդի եւ օրվա հրամանատարության, գերագույն գլխավոր հրամանատար Սերժ Սարգսյանի գլխավորությամբ:
Ակնհայտ է մի բան, որ նախկին իշխանությունները ճիշտ էին:
Հ.Գ. Հաջորդը «ջրվելու» է համատարած թալանի մասին միֆը:
Հեքիաթասացները իրենց գերագույն-գլխավորի՝ պրն. աննախադեպի առաջնորդությամբ պետք է հեռանան»:
Կարծիքներ