ԵՄ 5 պետություն չաջակցեց Հունաստանին՝ Թուրքիայի դեմ պատժամիջոցներ կիրառելու համար
Սերգեյ Առաքելյան
19 Հոկտեմբեր 2020 | 21:47
0
Ուրբաթ ԵՄ առաջնորդների գագաթնաժողովը Հունաստանի համար լավ նախանշան չունեցավ, մանավանդ որ հինգ երկիր արգելափակում է Թուրքիայի դեմ պատժամիջոցները: Ավելի ճիշտ, այն ավելի վատ ավարտ ունեցավ, քան հոկտեմբերի 2-ին կայացած նախորդ գագաթնաժողովը: Հունաստանի վարչապետ Կիրիակոս Միցոտակիսն արեց այն, ինչ կարող էր՝ ամրապնդելու պաշտպանության դիվանագիտական գիծն ընդդեմ Թուրքիայի նախագահ Ռեջեփ Թայիփ Էրդողանի մտադրությունների: Այնուամենայնիվ, Միցոտակիսի հավակնությունները բախվեցին ԵՄ-ի հատուկ անդամ պետությունների տարբեր շահերի հետ:
Գրում է հունական «Գրիք Սիթի Թայմզ» կայքը։
Հունական կողմը առաջարկ ներկայացրեց Թուրքիային զենքի վաճառքի վրա էմբարգո սահմանելու մասին, որն ի վերջո ներառված չէր նախորդ եզրակացությունների տեքստում: Թուրքիայի համար Բրյուսելում տիրող մթնոլորտն ամփոփեց միության դիվանագիտական աղբյուրը` «դժվար օրեր են գալիս» արտահայտությամբ:
Ո՞վ աջակցեց, և ո՞վ արգելափակեց
Տեղեկատվության համաձայն՝ Գերմանիան, Իսպանիան, Իտալիան, Հունգարիան և Մալթան արգելափակեցին էմբարգոն՝ տնտեսական պատճառների շղթայի և Էրդողանի կողմից գործիքավորված ապօրինի ներգաղթի վախի պատճառով: Հունաստանն աջակցություն ստացավ Ֆրանսիայի, Ավստրիայի և Սլովենիայի կողմից, իսկ մյուս երկրները պարզապես թքած ունեին: Հատկապես արեւելյանները. Բելառուսի նկատմամբ պատժամիջոցներ կիրառելուց հետո ընդհանրապես գործ չունեն Թուրքիայի հետ։
Կարծիքներ