Ռուսաստանում ԱՄՆ հետ հարաբերությունների բարելավման ակնկալիքներ չունեն
Ռուսաստանը չի կարող ակնկալել, որ Միացյալ Նահանգների հետ երկկողմ հարաբերությունները կարող են բարելավվել ընտրյալ նախագահի երդմնակալությունից հետո։ Այս մասին հայտարարել է ՌԴ ԱԳՆ տեղակալ Սերգեյ Ռյաբկովը, ըստ ՏԱՍՍ-ի փոխանցման՝ Ռուսաստանի Գիտությունների ակադեմիայի նախագահությունում ռուս-ամերիկյան հարաբերությունների առնչությամբ տեղի ունեցած նիստի ժամանակ։ «Ով էլ որ լինի Սպիտակ տան ղեկավարը հունվարի քսանից հետո, հիմքեր, որ ռուս-ամերիկյան հարաբերությունները կարող են բարելավվել, չկան։ Այն մոտեցումները, որոնք դրված են ԱՄՆ դոկտրիններում որպես վերաբերմունքի հիմք Ռուսաստանի հանդեպ, կշարունակեն իներցիոն իրենց ընթացքը»,- ասել է Ռյաբկովը հավելելով, որ այն քաղաքականությունը, որը մինչ այժմ եղել է, հույսեր չի թողնում, որ միջին ժամկետայնության հեռանկարում դրական տեղաշարժեր կարող են լինել։
Կարծիքներ