«Հրապարակ». Հայաստանի նորանկախ պատմության մեջ նման ծավալի ռեպրեսիաներ չեն եղել

Երեկ դիմադրության շարժման համակարգող Իշխան Սաղաթելյանը հայտարարեց․ «Հայաստանի նորանկախ պատմության մեջ նման ծավալի ռեպրեսիաներ չեն եղել, բայց որեւէ ճնշում, բռնություն մեր շարժումը կասեցնել չի կարող: Անցած 35 օրերին ոստիկանությունը, պաշտոնական տվյալներով, բերման է ենթարկել 2 հազար100 հոգու, 48 արժանապատիվ քաղաքացի ձերբակալվել է, որից 27-ն այս պահին արդեն կալանքի տակ են, եւս մի քանի գործ ընթացքի մեջ է»:

Իհարկե, իշխանական ռեպրեսիաները մեզ համար նորություն չեն, եւ դրանք հատկապես թափով ծավալվում էին 2008-ի մարտի 1-ից հետո, բայց այն ժամանակ 10 զոհ ունեինք, եւ իրավիճակը համադրելի չէ այսօրվա խաղաղ ակցիաների հետ։