ԱԷՄԳ-ն և ԻԱԷԿ-ն վերահաստատել են համագործակցության ոգին
Ատոմային էներգիայի միջազգային գործակալության (IAEA, ԱԷՄԳ / ՄԱԳԱՏԷ) գլխավոր տնօրեն Ռաֆայել Գրոսսին և Իրանի Իսլամական Հանրապետության ատոմային էներգիայի գործակալության ղեկավար Ալի-Աքբար Սալեհին տարածել են համատեղ հայտարարություն` համագործակցությունը և փոխադարձ վստահությունը շարունակելու մասին:
Գրել է իրանական «ԻՌՆԱ» լրատվական գործակալությունը։
Հայտարարությունը հրապարակվել է Գրոսսիի՝ փետրվարի 21-ին Թեհրան կատարած այցի ավարտին:
«Իրանի ատոմային էներգիայի կազմակերպությունը (ԻԱԷԿ) և Ատոմային էներգիայի միջազգային գործակալությունը (ԱԷՄԳ) հիշեցրին ու վերահաստատեցին համագործակցության ոգին և ամրապնդեցին փոխադարձ վստահությունը, որն առաջնորդում է դեպի 2020-ի օգոստոսի 26-ին Թեհրանում Համատեղ հայտարարությանն ու այդ համագործակցությունն ու վստահությունը շարունակելու կարևորությանը։
ԻԱԷԿ-ն ԱԷՄԳ-ին տեղեկացրեց, որ Իրանի Իսլամական Հանրապետության խորհրդարանի կողմից ընդունված «Գործողությունները դադարեցնելու և իրանական ազգի շահերը պաշտպանելու ռազմավարական գործողություն» («Օրենք») օրենքին համապատասխանելու համար Իրանը դադարեցնելու է 2021-ի փետրվարի 23-ի դրությամբ JCPOA-ում [Joint Comprehensive Plan of Action / Գործողության համատեղ համապարփակ ծրագիր / Իրանի հետ միջուկային համաձայնագիր] նախատեսված կամավոր միջոցառումները:
Վերոգրյալի տեսանկյունից և որպեսզի Գործակալությունը շարունակի իր ստուգումն ու գործողությունները, ԻԱԷԿ-ն և ԱԷՄԳ-ը համաձայնեցին.
1. Որ Իրանը շարունակում է ամբողջությամբ և առանց սահմանափակումների իրականացնել ԱԷՄԳ-ի հետ իր Համապարփակ երաշխիքների համաձայնագիրը, ինչպես նախկինում էր:
2. Օրենքի հետ համադրելի ժամանակավոր երկկողմանի տեխնիկական ըմբռնումով, որով ԱԷՄԳ-ն կշարունակի իր անհրաժեշտ ստուգման և դիտարկման գործողությունները մինչև 3 ամիս (տեխնիկական հավելվածի համաձայն)
3. Պահել տեխնիկական ըմբռնումը պարբերաբար վերանայման ներքո՝ ապահովելու համար, որ այն շարունակում է հասնել իր նպատակներին», - ասվում է համատեղ հայտարարության մեջ:
Կարծիքներ