Սիսիանում միլպետի ԺՊ-ն 3 քաղաքացու է ծեծել. նրանք հոսպիտալում են. ԼՀԿ պատգամավոր

Սիսիանում միլպետի ԺՊ-ն 3 քաղաքացու է ծեծել. նրանք հոսպիտալում են. ԼՀԿ պատգամավոր

Սիսիանում միլպետի ժամանակավոր պաշտոնակատարը բռնություն է կիրառել քաղաքացիների նկատմամբ։ 3 քաղաքացու է ծեծել, նրանցից մեկը Սիսիանի ավագանու անդամ, մյուսը 1952 թ. ծնված քաղաքացի է։ Ծեծվածները հոսպիտալում են։ Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության անդամ Սրբուհի Գրիգորյանը։

Նա, մասնավորապես, գրել է.

«Հատուկ նոր ոստիկանապետի համար։

Սիսիանում միլպետի ժամանակավոր պաշտոնակատարը բռնություն է կիրառել քաղաքացիների նկատմամբ։ 3 քաղաքացու է ծեծել, նրանցից մեկը Սիսիանի ավագանու անդամ, մյուսը 1952 թ. ծնված քաղաքացի է։ Ծեծվածները հոսպիտալում են։

Այս օրերին տարբեր զանգեր եմ ստացել, որ նա օգտվել է հայտարարված արտակարգ դրությունից։

Սիսիանում մարդիկ ժամեր շարունակ դուրս են եկել փողոց։

Զբաղվեք այս խնդրով։

Սիրելի քաղաքացիներ, ոչ ոք իրավունք չունի ձեռք բարձրացնի ձեզ վրա։

Ափսոս՝ Սիսիանում չեմ...

Հիմա նաեւ պաշտոնական գրություն կուղարկեմ»։

Որոշ ժամանակ անց պատգամավորը հրապարակել է նաև դիմումը․

«Սիսիանում այսօր բռնության գործադրման դեպքի առիթով գրություն ուղարկեցի ՀՀ ոստիկանապետին։
Քիչ անց կդիմեմ նաև Մարդու իրավունքների պաշտպանին
Ձեր պատգամավոր»