Իրանը կորոնավիրուսի պատճառով կարանտին չի հայտարարի․ Հասան Ռոուհանի

Իրանի իշխանությունները կարանտին չեն սահմանի երկրի եւ ոչ մի քաղաքում կամ նահանգում կորոնավիրուսի տարածման պատճառով։ Այս մասին հայտարարել է Իրանի նախագահ Հասան Ռոուհանին։

Հիշեցնենք, որ նոր տիպի կորոնավիրուսը 15 մարդու կյանք է խլել Իրանում։ Կառավարության հերթական նիստի ժամանակ նախագահ Ռոուհանին կոչ է արել բնակչությանը ձեռնարկել բոլոր անհրաժեշտ նախազգուշական քայլերը եւ առանձնապես ուշադրություն չդարձնել կորոնավիրուսի մասին խոսակցություններին։ Ռոուհանին շեշտել է, որ «կորոնավիրուսը չպետք է դառնա զենք ընդդեմ Իրանի»։ Իրանի նախագահը խոստացել է, որ առաջիկա շաբաթներին կորոնավիրուսը արմատախիլ կարվի Իրանի տարածքում։