Կդադարեցվի նոր հյուրանոցների եւ ակումբների կառուցումը

Բալի կղզու իշխանությունները որոշել են ժամանակավորապես դադարեցնել նոր հյուրանոցների, ակումբների, վիլլաների, պարային ու լողափային ակումբների կառուցումը կղզու ամենախիտ բնակեցված շրջաններում։ Արգելքը գործելու է երկու տարի։ Նպատակը կղզու գերբնակեցման եւ կառուցապատման կանգնեցումն է։ Այս մասին հայտնում է Bloomberg պարբերականը։ Կղզու իշխանությունները մտահոգված են, որ բազմաթիվ բրնձի դաշտեր վերածվել են կոմերցիոն տարածքների՝ առանց համապատասխան կառավարության թույլտվության։

Նշենք, որ Բալի կղզին համարվում է համաշխարհային առումով տուրիստական խոշոր կենտրոն, որտեղ տարեկան այցելում է ոչ պակաս, քան 6 միլիոն մարդ։