Սա շատ լավ հաշվարկված ցուցադրական գործողություն էր
«Հայաստան» դաշինքի անդամ, ոստիկանության գնդապետ Սայաթ Շիրինյանի նկատմամբ իրականացված ապօրինի բերման ենթարկման թատերականացված գործողությունը ամենեւին էլ տգիտության եւ գործ կարելու ապաշնորհության դրսեւորում չէ։ Այն շատ լավ հաշվարկված եւ բացառիկ ցինիզմով զուգորդված ցուցադրական գործողություն էր։ Նման միջոցով այս իշխանությունները նպատակ են հետապնդում ՝
- Ցույց տալ հանրությանը, որ թքած ունեն օրենքի, բարոյականության եւ հանրային կարծիքի վրա.
- Որպես «պրոֆիլակտիկա», սպասվող էլ ավելի ազգակործան քայլերին չխոչընդոտելու համար, վախեցնել հասարակության առավել ակտիվ անդամներին։
Հետեւություն
Հայ ժողովրդի մտածող, սակայն դեռեւս պասիվ ու իներտ զանգվածը պետք է գիտակցի երկու պարզ բան՝
- Հանցագործը լկտիանում է ճիշտ այնքան, որքան դուք եք թույլատրում
- Հայրենիքի, Ձեր եւ Ձեր սերունդների փրկությունը առանց Ձեր ակտիվ մասնակցության հնարավոր չէ։
Հ.Գ.
Հանրապետության գլխավոր դատախա՛զ, նշված աղաղակող ապօրինությանը անհապաղ չարձագանքելը նույնպես հանցագործություն է։
Գագիկ Համբարձումյան
Կարծիքներ