Ուկրաինան շարունակում է գրոհել Մոսկվայի վրա. տուժած կա

Այս պահի դրությամբ ոչնչացվել է դեպի Մոսկվա թռչող 32 ուկրաինական անօդաչու թռչող սարք։ Այս մասին իր Telegram-ալիքում հայտնել է Մոսկվայի քաղաքապետ Սերգեյ Սոբյանինը։

Նրա խոսքով` ևս յոթ անօդաչու թռչող սարք է խոցվել Դոմոդեդովո, Ռամենսկոյե և Կոլոմնա քաղաքային շրջաններում:

Ինչպես հայտնել է Մոսկվայի մարզպետ Անդրեյ Վորոբյովը` անօդաչուների հարձակման հետևանքով Ստանովոյե ավանում երկու տուն է հրդեհվել դրոնի բեկորների ընկնելու հետևանքով։ Այրվածքներով վերակենդանացման բաժանմունք է տեղափոխվել 52-ամյա մի կին։

Ավելի վաղ հայտնել էինք, որ ՌԴ պաշտպանության նախարարության հակաօդային պաշտպանության ուժերը Ռամենսկի քաղաքային շրջանում դեպի Մոսկվա թռչող չորս անօդաչու թռչող սարք են խոցել: