Ուկրաինայի ռազմական ղեկավարությունը ռազմական գործողությունների ծրագիր չունի․ Արախամիա

Ուկրաինայի ռազմական ղեկավարությունը ռազմական գործողությունների ծրագիր չունի․ Արախամիա

Ուկրաինայի ռազմական ղեկավարությունը հաջորդ տարի ռազմական գործողություններ իրականացնելու ծրագիր չունի, ասել է Գերագույն ռադայի «Ժողովրդի ծառա» խմբակցության ղեկավար Դավիթ Արախամիան «1+1» հեռուստաընկերության լրագրող Նատալյա Մոսեյչուկին տված հարցազրույցում։ 

Նրա խոսքով՝ երկրի գլխավոր շտաբը պետք է ծրագիր կազմի՝ ինչպես են կռվելու, քանի հոգի պետք է ունենան, քանիսին պետք է բաց թողնեն, քանի որ նրանք վաղուց են պայքարում և ինչքան գումար է պետք։

«Երկրում ոչ ոք իրականում նման ծրագիր չունի», - խոստովանել է Արախամիան:
Նա նշել է, որ այդ պլանը չպետք է անձամբ կազմի զինվորականներից որևէ մեկը, օրինակ՝ Ուկրաինայի զինված ուժերի գլխավոր հրամանատար Վալերի Զալուժնին կամ Գլխավոր շտաբի պետ Սերգեյ Շապտալան։

Արախամիայի համոզմամբ, դա պետք է անի ռազմական «ինստիտուտը» որպես ամբողջություն։ 

«Հասարակական վերահսկողության» ներկայացուցիչները երկար են սպասել նման ծրագրին»,-հավելել է պատգամավորը։