Մադուրոն Պուտինին համեմատել է Ռոնալդուի հետ

Վենեսուելայի նախագահ Նիկոլաս Մադուրոն խոսել է Կազանում BRICS-ի գագաթնաժողովից ստացած տպավորությունների մասին։ 

Նրա բնորոշմամբ, Ռուսաստանի նախագահ Վլադիմիր Պուտինը միջազգային քաղաքականության աստղ է, որն ունի «ռմբարկուի բնազդ», ինչպես ֆուտբոլիստ՝ Կրիշտիանու Ռոնալդուն:

«Անկասկած, քաղաքական լեզվով կարելի է ասել, որ նախագահ Վլադիմիր Պուտինը աստղ է միջազգային քաղաքականության մեջ։ Մեծ հաջողություն է գրանցվել Կազանի պատմական գագաթնաժողովում, որը համախմբեց BRICS-ը։ Նա ի ծնե ռմբարկու է, ինչպես Կրիշտիանու Ռոնալդուն, նա գոլահարի հոտառություն ունի»,- ասել է Մադուրոն Ռուսաստանի և Վենեսուելայի միջև բարձր մակարդակի միջկառավարական հանձնաժողովի հանդիպման ժամանակ, որը տեղի է ունեցել Կարակասում։