Հայաստան- Լիխտենշտեյն խաղի տոմսերն սպառվել են
ԱԱ 2022-ի ընտրական մրցաշարի J խմբի 6-րդ տուրում կայանալիք Հայաստան – Լիխտենշտեյն հանդիպման բոլոր տոմսերն սպառվել են՝ տեղեկանում ենք ՀՖՖ պաշտոնական կայքից:
Հիշեցնենք, որ հանդիպումը կայանալու է սեպտեմբերի 8-ին Վազգեն Սարգսյանի անվան «Հանրապետական» ստադիոնում: 5-րդ տուրից հետո Հայաստանի հավաքականը 10 միավորով 2-րդն է: Գերմանիայի հավաքականը գլխավորում է խմբի մրցաշարային աղյուսակը վաստակած 12 միավորով:
Նշենք, որ տոմսերը վաճառվում էին օգոստոսի 28-ից։
Տոմսերի արժեքն էր՝
Հյուսիսային և Հարավային տրիբունաներ՝ 2000 դրամ
Արևելյան տրիբունա՝ 3000 և 5000 դրամ
Արևմտյան տրիբունա՝ 6000 և 8000 դրամ։
Յուրաքանչյուր անձ կարող էր ձեռք բերել առավելագույնը 5 տոմս՝ ներկայացնելով անձնագրի կամ նույնականացման քարտի պատճենը:
Կարծիքներ