«Я тебе один умный вещь скажу, только ты не обижайся»
Վրաց փորձագետ Գելա Վասաձեն արժանապատիվ մեկնաբանել է երկու եղբայրական երկրների առողջապահական գերատեսչությունների միջեւ ծագած փոքր, բայց ոչ այնքան հաճելի միջադեպը: Հատկապես դիպուկ է նրա հարցադրումը. «Քանի՞ մարդ կիմանար Թորոսյանի այս հայտարարության մասին, եթե այդ մասին չհնչեցներ «Իմեդի» գլխավոր համաճարակաբանը»: Ի դեպ, հայկական լրատվամիջոցներն էլ ետ չեն մնում «Իմեդի»-ից (հանկարծ չվիրավորվեն մեր վրաց բարեկամները):
2007թ. Թբիլիսիում անցկացվում էր ԱՊՀ առեւտրաարդյունաբերական պալատների ղեկավարների խորհրդի 5-րդ նիստը, որին ներկա էր նաեւ խորհրդի նախագահ Եվգենի Պրիմակովը, ով մեծացել էր Թբիլիսիում, եւ որտեղ ուներ ինչպես վրացի, այնպես էլ հայ ընկերներ: Երկու ժողովուրդներն էլ նրան սրտամոտ էին:
Նշված միջոցառման շրջանակներում նախատեսված էր մշակութային մաս, այցելություններ տարբեր ձեռնարկություններ: Այցելեցինք Թբիլիսիի կոնյակի գործարան: Գործարանի տնօրենը հակիրճ ներկայացրեց գործարանի ստեղծման ու զարգացման պատմությունը, խոսեց վրացական կոնյակի համաշխարհային համբավի մասին՝ նշելով նաեւ, որ Դավիթ Սարաջիշվիլին կոնյակի գործարան է կառուցել Երեւանում: Երբ նա խոսքն ավարտեց, Եվգենի Պրիմակովը շրջվեց դեպի ինձ եւ ժպիտով հարցրեց. «А как думают наши армянские друзья про это?»։ Իմ պատասխանը, նույնպես ժպիտով, եղավ. «Евгений Максимович, ну какая проблема может быть между братскими народами? Какая разница, чей коньяк лучше и где был построен первый коньячный завод на Кавказе? Главное то, что оба коньяка одинаково повышают взаимопонимание людей»: Բոլորով ծիծաղեցինք…
Ինչ վերաբերում է համաճարակային իրավիճակին, ապա մենք միայն ուրախ ենք, որ Վրաստանում մեծ չէ կորոնավիրուսի տարածումը, «շահադիտական» տեսանկյունից. գործարարները երկկողմ կգործեն անխափան, իսկ հայ զբոսաշրջիկները կշարունակեն այցելել կոլորիտային Թբիլիսի, ծովափ: Պետք չէ անտեղի որոնել Վրաստանում համավարակի ցածր մակարդակի պատճառները: Հնարավոր է, որ վրաց ժողովրդի գենից լինի, կամ այլ պատճառներ լինեն, օրինակ՝ որ մեր հարեւանները լավ գինիներ շատ են օգտագործում:
Համարենք միջադեպն ավարտված եւ չնեղանանք միմյանցից, հարգելի հայեր եւ վրացիներ:
ՀԳ. Ты любишь долма? Нет. Потому что у вас не умеют готовить долма! Только теперь не скажи, что у нас и сациви не умеют готовить. У нас в Дилижане в кухне открываешь кран - вода течёт - второе место занимает в мире. А первое в Ереване, да?
Գագիկ ՎԱՐԴԱՆՅԱՆ
Կարծիքներ