Ինչո՞ւ ընդդիմությունը չի մասնակցում իրենց վերաբերող հարցի քննարկմանը (տեսանյութ)
Ընդդիմադիր երկու խմբակցությունների պատգամավորներն այսօր մեկը մյուսի հետևից հայտարարեցին, թե չեն ցանկանում մասնակցել ՔՊ-ի կազմակերպած շոուին, դրա համար էլ դատախազի միջնորդության քննարկման ժամանակ դահլիճում չեն:
Նրանց խոսքով` Սեյրան Օհանյանի դեմ կազմակերպված այս շոուն նպատակ ունի շեղել հանրության ուշադրությունը ավելի կարևոր հարցերից, օրինակ` բանակում տեղի ունեցող ողբերգական դեպքերից, Հայաստանի ու Արցախի առջև ծառացած իրական օրակարգից:
Նույնը այսօր ասում էր նաև «Պատիվ ունեմ» խմբակցության քարտուղար Տիգրան Աբրահամյանը` գործին հաղորդելով միայն քաղաքական երանգ ու չցանկանալով մտնել իրավական հարցերի մեջ:
Hraparak.am-ը հարցրեց նրան` ճիշտ չէ՞ր լինի, արդյոք, իրենք այսօր մասնակցեին քննարկմանն ու իրենց ելույթներով և հարցադրումներով մերկացնեին դատախազի միջնորդությունը թե իրավական մասով, թե քաղաքական շոուի մասով:
Տիգրան Աբրահամյանն ասաց` քանի որ հարցը վերաբերում է «Հայաստան» խմբակցության իրենց գործընկերոջը, իսկ «Հայաստան» խմբակցությունը որոշել է այդ հարցի քննարկմանը չմասնակցել, ուստի իրենց խմբակցությունն էլ, ի համերաշխություն գործընկերներ ֆրակցիայի, նույնպես չի մասնակցում այս հարցի քննարկմանը:
Մանրամասն` տեսանյութում
Կարծիքներ