Սիրիայի դեսպանատները շարունակում են աշխատանքը, այդ թվում՝ Հայաստանում

Սիրիայի ԱԳՆ-ն հայտնել է, որ նախարարությունը և արտերկրում սիրիական բոլոր դիվանագիտական ​​ներկայացուցչությունները կշարունակեն իրենց աշխատանքը։  Համապատասխան հաղորդագրությունը հրապարակվել է նախարարության X էջում.

«Սիրիայի Արաբական Հանրապետության արտաքին գործերի նախարարությունը և նրա դիվանագիտական ​​ներկայացուցչությունները արտերկրում կշարունակեն սպասարկել բոլոր համաքաղաքացիներին»,- նշվում է տեքստում։

Հավելենք, որ Հայաստանի Հանրապետության և Սիրիայի Արաբական Հանրապետության միջև դիվանագիտական հարաբերությունները հաստատվել են 1992 թվականին: 

1992թ. նոյեմբերին Սիրիայում բացվել է Հայաստանի դեսպանությունը: 1993թ. փետրվարին Հալեպում բացվել է ՀՀ գլխավոր հյուպատոսությունը:

1997թ. սեպտեմբերին Հայաստանում հիմնվել է Սիրիայի դեսպանությունը:

2018թ. հոկտեմբերին Տիգրան Գևորգյանը նշանակվել է Սիրիայի Արաբական Հանրապետությունում Հայաստանի Հանրապետության դեսպան:

2022թ. օգոստոսին Հայաստանում Սիրիայի Արաբական Հանրապետության դեսպան է նշանակվել Նորա Արիսյանը: