Սովետական տարածաշրջանում ՌԴ-ի ազդեցությունը ուժեղացնելու հնարավորությունը բաց է թողնվել

Մարտի 21-ին Երևանում տեղի ունեցած «Մոտալուտ փոթորիկ․ Հարավային Կովկասի տարածաշրջանային անվտանգությունը գլոբալ աշխարհակարգի ճգնաժամի համատեքստում» միջազգային գիտաժողովի ժամանակ Օսլոյի Խաղաղության միջազգային հետազոտությունների ինստիտուտի (PRIO) հետազոտող պրոֆեսոր Պավել Բաևը հայտարարեց, որ Սովետական տարածաշրջանում Ռուսաստանի ազդեցությունը ուժեղացնելու հնարավորությունը բաց է թողնվել:

Նրա խոսքերով, Ուկրաինայում պատերազմի նախորդող ժամանակահատվածում սկսեցին նկատվել նշաններ, որ Ռուսաստանը գնում է նահանջի՝ Թուրքիայի ճնշման ներքո։ Այս միտումը սկսվել է դեռ 2019 թվականին Լիբիայում, երբ Վագների խումբը դադարեցրեց իր հարձակումները Տրիպոլիի վրա, իսկ Էրդողանի Սիրիայում հրադադարի բանակցությունները ցույց տվեցին, որ Իդլիբը այլևս չի լինի Ռուսաստանի վերահսկողության տակ։

Պավել Բաևը ընդգծեց, որ այդ միտման ամենաուժեղ արտահայտումը տեղի ունեցավ 2020 թվականի Կովկասում պատերազմի ընթացքում, որը դարձավ շոկային Ռուսաստանի համար՝ հաշվի առնելով Թուրքիայի մեծ դերը պատերազմի արագ ավարտի մեջ։ Նա կարծում է, որ Ռուսաստանի և Թուրքիայի հարաբերությունները ունեցան նաև դժվարին պահեր, սակայն Ռուսաստանը պետք է դիտարկվի որպես նահանջող ուժ, հատկապես մինչև Ուկրաինայի պատերազմը։