Վրաստանը զանգվածաբար արտաքսում է ղազախներին. սկանդալ է հասունանում

Ղազախստանը մտահոգություն է հայտնել Վրաստանից իր քաղաքացիների արտաքսման դեպքերի աճի վերաբերյալ։

Այս մասին հայտնում են ղազախական լրատվամիջոցները՝ հղում անելով երկրի արտաքին գործերի նախարարության մամուլի ծառայությանը։

Երկու կողմերի իրավասու մարմինների մասնակցությամբ Ղազախստանի և Վրաստանի միջև անցկացված հյուպատոսական խորհրդակցությունների ժամանակ ղազախական կողմը նշել է Ղազախստանի քաղաքացիներին Վրաստան մուտք գործելու հետ կապված մերժումների և նրանց հետագա արտաքսման թվի աճը։ 

Նուր-Սուլթանը ընդգծել է, որ ղազախստանցի զբոսաշրջիկների մեծամասնությունը բարեխղճորեն հետևում է ընդունող երկրի օրենքներին։

Վրացական կողմը, իր հերթին, վստահեցրել է, որ մայիսի սկզբից ի վեր մուտքի մերժումների թիվը զգալիորեն նվազել է և հայտնել է իր պատրաստակամությունը ստեղծել բարենպաստ պայմաններ Ղազախստանի քաղաքացիների մնալու համար։