Բաքուն հրաժարվու՞մ է «Զանգեզուրի միջանցքից». ՀՀ-ին կրկին սպառնում է

Ադրբեջանն այժմ աշխատում է Իրանի տարածքով հաղորդակցություններ անցկացնելու ուղղությամբ։ Այս մասին Real TV-ին տված հարցազրույցում ասել է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն։

Բաքվի քարոզչամեքենայի տխրահռչակ ներկայացուցիչներից մեկի պնդմամբ, «Հայաստանը խեղաթյուրում է 2020 թվականի նոյեմբերի 10-ի եռակողմ հայտարարությունը». 

«Սա ափսոսանք է առաջացնում։ Սույն փաստաթղթի իններորդ պարբերությունը պարունակում է հաղորդակցությունների բացման կոնկրետ պարտավորություններ: Եթե ​​Հայաստանը պնդում է իր ներկայիս դիրքորոշումը, ապա Ադրբեջանը այլընտրանքային տարբերակներ ունի։

Դրանցից մեկը Իրանի տարածքով հաղորդակցությունների անցկացումն է։ Այս առումով համապատասխան աշխատանքներ են տարվում։ Եթե ​​Հայաստանը շարունակի ինքնամեկուսացման քաղաքականությունը, ապա դա իր ընտրությունն է։ Բայց դա նրան ոչ մի օգուտ չի բերի»: