Ի՞նչ էին հագել հյուրերը Ասիայի ամենահարուստ մարդու խնջույքին

3 Մարտ 2024 | 13:15 0

Ասիայի ամենահարուստ մարդու՝ Մուկեշ Ամբանիի որդին նշանակված ամսաթվից հինգ ամիս առաջ սկսել է նշել իր ծրագրված ամուսնությունը։ Անանտ Ամբանիի ապագա հարսանիքը, որը կկայանա ամռանը, արդեն անվանում են տարվա հարսանիք։ Այժմ տեղի են ունենում նախահարսանեկան տոնակատարությունները։

Եռօրյա տոնակատարությանը հրավիրվել է 1000 մարդ, այդ թվում՝ Հիլարի Քլինթոնը, Բիլ Գեյթսը, Մարկ Ցուկերբերգը և այլ հայտնիներ։ Ռիհաննան ելույթ է ունեցել հայտնի հյուրերի համար, և նրանց հյուրասիրվել են հայտնի խոհարարների 2500 ուտեստներ։ Ինչ է տեղի ունեցել Հնդկաստանի ամենահարուստ ընտանիքի ժառանգի նախահարսանեկան երեկույթին՝ MediaMess-ի նյութում։

Գործարար Մուկեշ Ամբանին, ով Forbes-ի միլիարդատերերի ցուցակում 9-րդն է, առաջին անգամը չէ, որ ոգևորում է հանրությանը իր հսկայական ծախսերով. 2018-ին լրատվամիջոցները խոսում էին նրա դստեր՝ Մուկեշայի հարսանիքի մասին, որի համար հայրը ծախսել էր առնվազն 15 միլիոն դոլար: Այժմ միլիարդատերն ամուսնացնում է իր կրտսեր որդուն, և, ըստ լրագրողների, նա մտադիր է էլ ավելի շատ գումար ծախսել տոնակատարության վրա։

Մուկեշ Ամբանին նավթ և գազ արտադրող Reliance Industries Limited (RIL) ընկերության սեփականատերն է: Ընկերության տարեկան շրջանառությունը կազմում է 104 մլրդ դոլար։

Փետրվարի 29-ին հնդիկ երկրպագուները նկարահանել են երգչուհի Ռիհաննային, ով ամուսնու հետ ժամանել է Հնդկաստան և տեղի կատարող Դիլջիտ Դոսանջիի հետ միասին ելույթ է ունեցել նախահարսանեկան տոնակատարությանը։

Ըստ ինսայդերների՝ շքեղ տոնակատարությանը մասնակցել են ոչ միայն սիրահարների ընկերներն ու հարազատները, այլև համաշխարհային հայտնիներ, հաջողակ գործարարներ և սպորտի աստղեր։ Ընդհանուր առմամբ՝ մոտ 1000 հյուր։

Ամբանի ընտանիքը հոգացել է բոլոր ծախսերը՝ հյուրերին չարտերային թռիչքներով և նավերով տեղափոխել են Ջամնագար։ Միևնույն ժամանակ, բոլոր հրավիրվածներին ուղարկվել է ինը էջի վրա տպված դրես-կոդ, որը նկարագրվել է կայանալիք իրադարձությունները և նրանցից յուրաքանչյուրի համար անհրաժեշտ հագուստի ոճը։

Տոնակատարությանը ժամանել է աշխարհի տարբեր ծայրերից ժամանած ավելի քան 25 խոհարարների թիմ, ովքեր հյուրերի համար պատրաստել են ճապոնական, մեքսիկական և թայլանդական խոհանոցի տպավորիչ ուտեստներ։

Խոհարարները հոգացել են, որ հյուրերն իրենց հնարավորինս հարմարավետ զգան։ Միջոցառման յուրաքանչյուր մասնակցի խնդրել են նշել սննդի և մթերքների անձնական նախասիրությունները, ինչպես նաև առանձին ճաշացանկ է պատրաստվել վեգանների համար:

Ըստ անանուն աղբյուրների՝ հյուրերին առաջարկվել է նախաճաշի 75 տեսակ, ճաշի 225 տարբերակ և ընթրիքի 275 տարբերակ։

MailOnline-ի տվյալներով՝ տոնակատարությունների արժեքը կազմել է ապշեցուցիչ 120 միլիոն ֆունտ։

Նշենք, որ փեսայի հարսնացուն՝ 29-ամյա Ռադիկա Մերչանտը, նույնպես հարուստ ընտանիքից է:

Իվանկա Թրամփը, Մարկ Ցուկերբերգը եւ Բիլ Գեյթսը այն բարձրակարգ հյուրերի շարքում են, ովքեր թռչել են Ջամնագար՝ Անանտ Ամբանիի եւ Ռադհիկա Մերչանտի նախահարսանեկան տոնակատարություններին մասնակցելու համար:

Հնդկաստանի երկու ամենահարուստ ընտանիքների փեսացուն ու հարսնացուն 1000 հյուրերի են հրավիրել՝ մասնակցելու հուլիսին կայանալիք իրենց հարսանիքի նախատոնակատարություններին:

Արարողությունից առաջ տեղական լրատվամիջոցները հայտնել են, որ հյուրերին տրվել է ինը էջանոց դրես-կոդ:

Տոնակատարությունների առաջին օրը Ռիհաննան ուրախացրել է հյուրերին իր ելույթով։ Իսկ ի՞նչ էին հագել հյուրերը Ասիայի ամենահարուստ մարդու խնջույքին: