Շվեդիան հանուն տնտեսության հրաժարվեց կարանտինից, բայց ապարդյուն
Շվեդիան հանուն տնտեսության հրաժարվեց հակակորոնավիրուսային խիստ կարանտինից, սակայն ապարդյուն։ Ինչպես ողջ Եվրոպայում, այնպես էլ Շվեդիայում տնտեսական ցուցանիշների անկումը ակնհայտ է։ Այս մասին գրում է Financial Times-ը։ Շվեդական կենտրոնական Riksbank-ի նախկին աշխատակից Քրիստինա Նիմանի կարծիքով, դեռեւս վաղ է ասել, թե պանդեմիան եւ խիստ կարանտինից հրաժարվելն հանուն տնտեսության, ինչ կտա Շվեդիային, սակայն արդեն այսօրվանից տնտեսագետները նկատում են, որ ՀՆԱ-ի «պլյուս-մինուսը» կլինի այնքան, որքան մյուս երկրների մոտ, որոնք կարանտին էին մտցրել։
Capital Economics-ի մասնագետ Դաեւիդ Օքսլին էլ գտնում է, որ Շվեդիայում տնտեսական ակտիվության ցուցանիշները բավական չարագուշակ են, ու թեեւ այնքան էլ վատ չեն, որքան մյուս երկրներում, սակայն անկումը ակնհայտ է եւ աննախադեպ։
Հիշեցնենք, որ ըստ ԱՀԿ տվյալների, մայիսի 18-ի դրությամբ Շվեդիայում կորոնավիրուսով վարակվածների թիվը 29,7 հազար է, մահացությունը՝ 3,7 հազար։ Սկանդինավիայում սա ամենամեծ ցուցանիշն է։
Կարծիքներ