Ուկրաինացի դիվանագետների հասցեին նոր սպառնալիքներ են հնչում
Ուկրաինայի արտաքին գործերի նախարարությունը հայտնել է երեք նոր սպառնալիքների մասին՝ ուղղված ուկրաինացի դիվանագետներին․ ընդհանուր առմամբ 21 նման դեպք է արդեն արձանագրվել։
Այս մասին ֆեյսբուքյան իր էջում հայտնել է Ուկրաինայի ԱԳՆ ներկայացուցիչ Օլեգ Նիկոլենկոն։
«Իսպանական ոստիկանությունը փոստային բաժանմունքում առգրավել է երեք ծրար՝ ենթադրաբար կենդանիների աչքերով, որոնք հասցեագրված էին Մադրիդում Ուկրաինայի դեսպանատանը, Բարսելոնում գլխավոր հյուպատոսությանը և Մալագայում հյուպատոսությանը:
Ընդհանուր առմամբ, 12 երկրներում Ուկրաինայի դեսպանատներին ու հյուպատոսություններին ուղղված սպառնալիքների արդեն 21 դեպք կա»։
Նիկոլենկոյի խոսքով՝ քննչական գործողությունները շարունակվում են։
Կարծիքներ