Իրականացնում են վերապատրաստումներ
Կրթության զարգացման եւ նորարարությունների ազգային կենտրոնի՝ ԿԶՆԱԿ հիմնադրամի կողմից կազմակերպվել են վերապատրաստման դասընթացներ, որոնք նախատեսված են պետական հանրակրթական ուսումնական հաստատությունների կոլեգիալ կառավարման մարմնի՝ խորհրդի անդամների համար:
Դասընթացին մասնակցել են 71 մասնագետներ Երեւանից եւ ՀՀ մարզերից: Օգոստոսի 15-ից մինչեւ նոյեմբերի 15-ը վերապատրաստված մասնակիցներից յուրաքանչյուրն իր մարզում եւ Երեւանում իրականացնելու է պետական հանրակրթական ուսումնական հաստատությունների կոլեգիալ կառավարման մարմնի՝ խորհրդի անդամների վերապատրաստում:
Վերապատրաստման նպատակն է՝ աջակցել հանրակրթական ուսումնական հաստատության կառավարման խորհրդի անդամներին՝ ունենալու անհրաժեշտ պատրաստվածություն եւ գիտելիքներ՝ խորհրդի աշխատանքներն ավելի արդյունավետ կազմակերպելու համար: Միաժամանակ, ԿԶՆԱԿ հիմնադրամը շարունակում է իրականացնել ՀՀ ուսումնական հաստատությունների տնօրենների եւ տնօրենի տեղակալների վերապատրաստումները:
Ամռան ամիսներին վերապատրաստվել են ավելի քան 1940 տնօրեն եւ տնօրենի տեղակալ: Վերապատրաստումները շարունակվելու են մինչեւ սեպտեմբերի 15-ը, նախատեսվում է վերապատրաստել հանրապետության բոլոր պետական հանրակրթական ուսումնական հաստատությունների տնօրեններին եւ տնօրենի տեղակալներին:
Կարծիքներ