Բաքվում մեկնարկում է հերթական կեղծ դատավարությունը, որի գործով անցնում է Քարվաճառում կալանավորված Գագիկ Աշոտի Ոսկանյանը։
Այդ մասին գրում են ադրբեջանական լրատվամիջոցները և նշում, որ դատական նիստը տեղի կունենա այսօր Սաբունչուի շրջանային դատարանի վարչական շենքում՝ Գյանջայի ծանր հանցագործությունների դատարանի դատավոր Աբդուլա Մամեդովի նախագահությամբ։
Դատարանում կանցկացվի նախապատրաստական հանդիպում, կպարզվեն մեղադրյալների և տուժողների անձնական տվյալները։
Հիշեցնենք, որ Ադրբեջանի գլխավոր դատախազությունը քրեական գործ է հարուցել, ըստ որի «Ոսկանյանը դիվերսիոն գործողություններ իրականացնելու նպատակով օգոստոսի 16-ին հատել է հայ-ադրբեջանական պետական սահմանը։
Նրան մի շարք հոդվածներով մեղադրանքներ են առաջադրել, խափանման միջոց է ընտրվել կալանավորումը։
