Պատերազմի տարելիցին՝ փետրվարի 24-ին ՌԴ-ն նոր հարձակման կանցնի․ Ուկրաինայի ՊՆ
Hraparak
2 Փետրվար 2023 | 16:30
0
Ռուսական զորքերը կարող են Ուկրաինա ներխուժման տարելիցը նշել երկրի արևելքում և հարավում նոր հարձակմամբ, հայտարարել է Ուկրաինայի պաշտպանության նախարար Ալեքսեյ Ռեզնիկովը ֆրանսիական BFMTV հեռուստաալիքին տված հարցազրույցում։
«Մենք չենք կարող կորցնել նախաձեռնությունը։ Հաշվի առնելով, որ ռուսներն ապրում են սիմվոլներով, նրանք կարող են ինչ-որ բան փորձել փետրվարի 24-ի սահմաններում։ Մենք չենք թերագնահատում մեր թշնամուն»,- ասել է նա։
Ռեզնիկովի հաշվարկներով՝ Ռուսաստանը մոտ 500 հազար զինվոր է մոբիլիզացրել։
«Նրանք պաշտոնապես հայտարարեցին 300 հազարի մասին, բայց երբ մենք տեսնում ենք զորքեր սահմաններին, ապա, մեր գնահատականներով, դա շատ ավելին է», - նշել է Ուկրաինայի պաշտպանության նախարարը։
Ավելի վաղ, 2023 թվականի փետրվարին կամ մարտին Ուկրաինայում նոր հարձակում սկսելու Ռուսաստանի Գլխավոր շտաբի ծրագրերի մասին հայտնել էր Bloomberg-ը՝ հղում անելով Կրեմլին մոտ կանգնած աղբյուրներին։
Կարծիքներ