Քննչական կոմիտեն «խաբեց» վարչապետին

Կառավարության վերջին նիստին քննչական կոմիտեի նախագահ Հայկ Գրիգորյանը Նիկոլ Փաշինյանի առաջարկով ներկայացրեց Ամուլսարի հանքի հետ կապված փորձագիտական արդյունքները։

Ըստ նրա՝ միջազգային փորձագետների կողմից համալիր փորձաքննության վերջնական եզրակացությունը ներկայացվել է հուլիսի 22-ին, որը բաղկացած է եղել 188 թերթից և 2 հավելվածից։ Այժմ էլ կատարվում են անգլերենից հայերեն թարգմանության սրբագրական աշխատանքները։

Վարչապետը նաեւ հետաքրքվեց, թե վերջնական տարբերակը ե՞րբ կհանձնվի կառավարությանը, ինչին ի պատասխան Գրիգորյանն ասաց՝ Ամուլսարի փորձագիտական վերջնական եզրակացության սրբագրված տարբերակը պատրաստ կլինի օգոստոսի 12-13-ին։

Մենք այսօր Քննչական կոմիտեից հետաքրքվեցինք, թե արդյոք վերջնական տարբերակն արդեն հանձվե՞լ է կառավարությանը, ինչին ի պատասխան ՔԿ-ից հայտնեցին․ «Դեռ սրբագրման փուլում է, կհրապարակվի առաջիկա երկու օրերի ընթացքում»։