Աբովյանի ավագ դպրոցում նույնպես անցքերով քվեատուփեր են արձանագրվել
Կոտայքի մարզի Աբովյանի քաղաքի Խ. Աբովյանի անվան թիվ 1 ավագ դպրոցում, որը գործում է 29/16 ընտրատեղամասի ներքո, քվեատուփերի տակ նույնպես անցքեր են հայտնաբերվել։
Արտահերթ խորհրդարանական ընտրություններում դիտորդական առաքելություն իրականացնող «Խայադթա» ֆեդերացիայի դիտորդ Ռաիսա Անտառանյանը «Հրապարակի» հետ զրույցում ասաց, որ քվեատուփերի տակ անցքեր է արձանագրել։
Արձանագրումը կատարվել է ընտրատեղամասը բացելուց առաջ՝ 07:30-ի մոտակայքում։ Արձանագրումից հետո կպչուն ժապավենով անցքերը փակվել են։
Նաև ֆիքսվել են ծալած քվեաթերթիկներ։
Դիտորդի տվյալներով՝ 09:30-ի դրությամբ 1489 ընտրողից 85-ը մասնակցել է քվեարկությանը։
Հիշեցնենք, որ այս դպրոցում ճգնաժամ էր հասունացել, երբ տնօրեն էր նշանակվել Քարմիլե Առաքելյանը, ով համարվում է շրջակա միջավայրի նախարար, Կոտայքի նախկին մարզպետ Ռոմանոս Պետրոսյանի մտերիմը։
Կարծիքներ