Նոր աղմուկ. ո՞վ կարող է լինել Քարդաշյանի հաջորդ սիրելին

NBA-ի սիրահարները բուռն քննարկումների մեջ են՝ այս անգամ ոչ թե թիմերի մրցակցության, այլ սոցիալական մեդիայում տարածված հետաքրքրության պատճառով. կարող է արդյոք Լուկա Դոնչիչը լինել Քիմ Քարդաշյանի հաջորդ սիրելին։

Այս խոսակցությունները սկսվեցին այն բանից հետո, երբ 358 միլիոն հետևորդ ունեցող հեռուստաաստղը հրապարակավ հայտնեց իր ցանկությունը հանդիպելու սլովենացի խաղացողին:«Ինքներդ գիտեք՝ երբ է նա խաղում։ Ուզում եմ հանդիպել նրան»,- գրել էր Քիմը Instagram Stories-ում։

Լուկա Դոնչիչը, նշենք, NBA-ի աստղ է, մարզական գերաստղ, այնպես որ Քարդաշյանի հետ նրա հնարավոր հարաբերությունները կստեղծեն մեծ մեդիաաղմուկ։ Դա կլինի երկու համաշխարհային աստղերի միություն, որը կգրավի ինչպես զվարճանքով հետաքրքրվողների, այնպես էլ սպորտային աշխարհի ուշադրությունը։

Քիմ Քարդաշյանի հետաքրքրությունը Լուկա Դոնչիչի հանդեպ գուցե նաև անցողիկ հիացմունք լինի։ Հնարավոր է՝ նա պարզապես գնահատում է բասկետբոլիստի տպավորիչ խաղը: Սակայն, հաշվի առնելով նրա՝ հարաբերությունների պատմությունը և հանրային հարաբերություններում ունեցած փորձը, դժվար է չկասկածել, որ այս պատմության խորքում կարող է լինել ավելին։

Քիմ Քարդաշյանն արդեն հայտնի է իր մի շարք  սիրավեպերով։ Նրա ամենաքննարկված հարաբերություններից են Քանյե Ուեսթի հետ ամուսնությունը, Փիթ Դևիդսոնի հետ սիրավեպը։ Նրա սիրային կյանքի ամենանշանավոր դրվագներից մեկն էլ Քրիս Համֆրիսի հետ ամուսնությունն էր, որը մանրամասն ներկայացվել է Keeping Up With the Kardashians հայտնի ռեալիթի շոուի շրջանակներում։