ՀԿԵ բոլոր էլեկտրագնացքներում տեղադրվել են հատուկ սանիտայզերներ

ՀԿԵ բոլոր էլեկտրագնացքներում տեղադրվել են հատուկ սանիտայզերներ

Կորոնավիրուսային վարակի տարածման կանխարգելիչ միջոցառումների իրականացման շրջանակներում Հարավկովկասյան երկաթուղու էլեկտրագնացքների բոլոր վագոններում տեղադրվում են ձեռքերի մշակման համար նախատեսված հատուկ հակասեպտիկ միջոցներով դիսպենսերները: Ներկայումս երկաթուղային կայարաններ եւ էլեկտրագնացքների վագոններ մուտքը թույլատրվում է միայն պաշտպանիչ դիմակների եւ ձեռնոցների առկայության դեպքում՝ ջերմության պարտադիր չափումից հետո:

Բացի այդ, էլեկտրագնացքներում գործում է սոցիալական հեռավորության պահանջներին համապատասխանող նստեցման հատուկ կարգ:

Ընկերությունը ձեռնարկում է բոլոր անհրաժեշտ միջոցները՝ ուղեւորների եւ անձնակազմի առողջության անվտանգությունն ապահովելու համար, անհապաղ արձագանքում է պարետի որոշումների կատարումը վերահսկող մարմինների ցուցումներին:

Հարավկովկասյան երկաթուղին շնորհակալություն է հայտնում ուղեւորներին փոխըմբռնման համար եւ կոչ է անում ամենայն պատասխանատվությամբ մոտենալ արտակագ դրության ժամանակահատվածում գործող պահանջների կատարմանը:

Հայաստանում արտակարգ դրություն հայտարարելու օրվանից երկաթուղին ձեռնարկում է կորոնավիրուսի տարածումը կանխարգելելուն ուղղված անհրաժեշտ բոլոր միջոցները: 
Բոլոր կայարանային տարածքներն օդափոխվում եւ ախտահանվում են հատուկ միջոցներով: Յուրաքանչյուր ուղերթի ավարտից հետո բոլոր գնացքների վագոններն օդափոխվում եւ ախտահանվում են:

Կայարաններում ստեղծված են հատուկ սենյակներ, որոնք անհրաժեշտության դեպքում տրամադրվելու են հիվանդության նշաններ ունեցող ուղեւորներին կամ աշխատակիցներին, իսկ ուղեւորները բարձրախոսներով տեղեկացվում են պրոֆիլակտիկ միջոցների մասին: