Աննա Հակոբյանը մկրտության է մասնակցել
Վարչապետի տիկին Աննա Հակոբյանը հերթական գրառումն է կատարել` կից հրապարակելով լուսանկարներ։
Նա գրել է. «Փոքրիկները Դավիթն ու Տաթեւն են, 44-օրյա պատերազմում անմահացած, ժամկետային զինծառայող Նորայր Վարդանյանի քույրիկն ու եղբայրը։ Նրանք 41 օրական են եւ այսօր մկրտվեցին։ Հարազատները նրանց ծնունդն ու մկրտությունը նշեցին խնջույքով, որին մասնակցելու պատիվ ունեցա։
Երեխաները, որոնց լույս աշխարհ են բերում անմահների մայրերը, կարծես հենց նրանց կողմից ուղարկվեն մեզ… Այս երեկո ներկաների զուսպ արցունքներն ու անձայն հեկեկոցները ի վերջո խլացան զուռնա դհոլի հնչյունների տակ»:
Նշենք, որ Հակոբյանը շատ ակտիվ է սոցցանցերում, մշտապես հրապարակումներով է հանդես գալիս։
Կարծիքներ