Առավել քան հայտնի Պապիի վերջին տեսանյութից հետո. Վահան Թումասյան
Այսօր համացանցում տարածում գտավ հայտնի Արտուշ պապի տեսանյութը, որը դժգոհ էր իր տան վերանորոգումից: Այս ֆոնին «Շիրակ կենտրոնը»-ի նախագահ Վահան Թումասյանը նշում է.«Առավել քան հայտնի Պապիի վերջին տեսանյութից հետո: Մենք գերադասում ենք ինքներս գնալ ու գտնել նեղության մեջ, ամոթխած բնավորությամբ այն մարդկանց, ովքեր ստիպված մեկուսի կյանքով են ապրում, իրենք իրենց դարդ ու ցավով, օրվա հացը գտնելու համար պայքար մղելով: Նրանց՝ ովքեր ամեն օր չեն գրում և զանգում, երբ բարձր ձայնով չեն պահանջում, ամեն օր՝ պարտաճանաչ կերպով մեր գրասենյակ իրենց հազար ու մի պահանջով չեն գալիս: Սովորաբար նման բնավորությամբ մարդկանց, ներող թող լինեն, ի սրտե օգնել չէս կարող, եթե անգամ իրոք կարիքներ ունեն: Մենք գերադասում ենք օգնության ձեռք մեկնել այն կարիքավորին, ովքեր տանելով ճակատագրի դառը փորձությունները, լուռ ու մունջ՝թաքցնելով սեփական աղքատությունը ամեն առիթով և ամեն մի պատահած մարդու առջև ձեռք չեն մեկնում…Հավատացեք՝ նրանց մենք անխտիր, ուշ թե շուտ կգտնենք, ինչպես այսքան տարիներ, անկոչ հյուրի պես գնացել՝ թակել ենք խարխուլ կացարանների դռները և հայտնել բարի լուրը, թե վերջ՝ դուք նոր և լուսավոր բնակարան ունեք…
Հ.Գ. Կրկին ու կրկին անգամ շնորհակալ ու երախտապարտ ենք մեր բոլոր գործընկերներին և բարեկամներին, ովքեր գերադասում և վստահում են մեզ»»:
Կարծիքներ