Եվրոպան չի կարող «խոտակեր» մնալ. Մակրոնի աղմկահարույց կոչը

Ֆրանսիայի նախագահ Էմանուել Մակրոնը հայտարարել է, որ Եվրոպան պետք է վերանայի իր մոտեցումը միջազգային քաղաքականության նկատմամբ ԱՄՆ նախագահ Դոնալդ Թրամփի վերընտրվելուց հետո։ Բուդապեշտում եվրոպացի առաջնորդների հետ հանդիպման ժամանակ Մակրոնն ընդգծել է, որ Եվրոպան չի կարող մնալ «խոտակեր» համաշխարհային ասպարեզում։

«Ինձ համար ամեն ինչ պարզ է. Աշխարհը բաղկացած է խոտակերներից և գիշատիչներից։ Եթե ​​մենք մնանք բուսակերներ, ապա գիշատիչները կհաղթեն, և մենք կդառնանք նրանց շուկան»,- ասել է Մակրոնը՝ ընդգծելով ավելի ինքնավստահ եվրոպական դիրքորոշման անհրաժեշտությունը։ 

Նրա խոսքով՝ Եվրոպան պետք է ձգտի «ամենակերության»՝ իր շահերը պաշտպանելու և վճռականորեն գործելու կարողությանը։

«Ես ագրեսիայի կոչ չեմ անում, բայց մենք պետք է կարողանանք պաշտպանել մեզ»,- հավելել է նա՝ մատնանշելով պաշտպանական և տնտեսական միջոցների ուժեղացման անհրաժեշտությունը, որպեսզի Եվրոպան կարողանա դիմակայել արտաքին ճնշմանն ու սպառնալիքներին։