Արդյոք մարդու անունը կարող է ազդել նրա արտաքինի վրա

Մարդու արտաքինը տարիների ընթացքում կարող է հարմարվել նրա անվան հետ։ Այդ մասին հայտնում են գիտնականները։ Իրականացված գիտափորձի ընթացքում կամավորներին ներկայացրել են մարդկանց լուսանկարներ եւ խնդրել ընտրել դրանցից յուրաքանչյուրի համար հարմար անուններ։ Ընդ որում, կարող էին ընտրել անվան մի քանի տարբերակ։ Արդյունքում պարզվել էր, որ նրանց հաճախ կարողացել են լուսանկարում պատկերված մարդու ճիշտ անունը կռահել։

Գիտնականները նշում են, որ տարիների ընթացքում չափահաս մարդկանց արտաքին տեսքը կարող է հարմարվել վերջինիս անվանը։ Պատահում է նույնիսկ, որ նույն անունն ունեցող մարդկանց մոտ լինում են ընդհանուր դիմագծեր կամ արտաքին նմանություններ։

Ուշագրավ է նաեւ այն, որ երբ գիտնականները երեխաների նկարները հատուկ համակարգչային ծրագրով «ծերացնելով» խառնել են մեծահասակների լուսանկարներին եւ նորից առաջարկել հարմար անուններ ասել դրանց համար, կամավորները կարողացել են ճիշտ կռահել միայն այն լուսանկարներում պատկերված մարդկանց ճիշտ անունները, որոնք իրականում եղել են մեծահասակներ եւ երեխաների «ծերացված» լուսանկարներ չեն եղել։