Ջերմություն ունի, հիվանդանոցում չեն ընդունել

Ջերմություն ունի, հիվանդանոցում չեն ընդունել

Էջմիածնի բնակիչ, 21-ամյա ուսանող Արայիկ Մովսիսյանին այսօր դասի չեն թողել՝ բարձր ջերմություն ունենալու պատճառով։ Երիտասարդը գնացել է Էջմիածնի պոլիկլինիկա՝ չեն ընդունել, ասել են՝ դիմիր հիվանդանոցի բժիշկներին։ «Գնացի հիվանդանոց, այստեղ էլ չլսեցին ինձ, ասացին՝ բժիշկ չունենք, գնա Երևան»,-պատմեց Արայիկը։

Երիտասարդի ծնողներն անհանգստացած են․ թե Երևանում կոնկրետ որ բուժհաստատություն պետք է դիմեն, Էջմիածնում չեն ասել։ Հիմա, թե տղան, թե նրա ծնողները հոգեբանական ծանր վիճակում են։ Միակ ինֆորմացիան, որ իմացել են Էջմիածնի բուժկենտրոնում, բժիշկների ինքնամեկուսացման մասին է։ «Բա մենք ու՞ր գնանք»,-հարցնում են նրանք։