Ռուսական թատրոնում կբեմադրվի Հովհաննես Թումանյանի «Քաջ Նազարը»
Կ. Ստանիսլավսկու անվան ռուսական դրամատիկական թատրոնում հանդիսատեսի դատին կհանձնվի «Քաջ Նազարը»՝ ըստ Հովհաննես Թումանյանի համանուն հեքիաթի՝ թատրոնի գեղարվեստական ղեկավար Կարեն Ներսիսյանի բեմադրությամբ: Ներկայացումը նվիրված է հայ մեծանուն բանաստեղծ Հովհաննես Թումանյանի 150-ամյակին, իսկ առաջնախաղը կկայանա այսօր եւ վաղը:
«Քաջ Նազարը» նախատեսված է մեծահասակ հանդիսատեսի համար։ Թումանյանի հերոսը քաջ չէ՝ գլուխգովան է, բայց սրտոտ է: Խորթ չեն նրան ազարտն ու ինքնահեգնանքը: Իսկ ի՞նչն է պակաս, որ նման մարդը թագավոր դառնա՝ հատկապես, եթե այդպես է ուզում ժողովուրդը: Մի քիչ ստեղծագործական մոտեցում եւ անսահման հաջողություն․ այսպիսի մոտեցում է ցուցաբերել բեմադրիչը։
Ներկայացման մեջ խաղում են թատրոնի երիտասարդ դերասանները: Նկարչական ձեւավորումը՝ Անդրեյ Զապորոժսկու (Սանկտ Պետերբուրգ), խորեոգրաֆիան` Նունե Կիրակոսյանի:
Կարծիքներ