Սա պարզապես մի «Այո» չէ
Հանրաքվեի քարոզչությանն ի՞նչ մասնակցություն եք ունենալու, հարցրինք առողջապահության նախարար Արսեն Թորոսյանին։
«Դեռ չեմ պատկերացնում, դեռ զբաղվում եմ աշխատանքային գործերով, հավանաբար, կմասնակցեմ աշխատանքային ժամերից դուրս»,- ասաց նախարարը։
- Գնալո՞ւ եք մարզեր։
- Չեմ կարող հիմա ասել, որովհետեւ պատկերացնում եք՝ ինչ զբաղվածություն ունեմ հիմա։
- Ձեր նախարարության աշխատակիցներին հորդորելո՞ւ եք գնալ եւ կողմ քվեարկել Հրայր Թովմասյանից ազատվելու հարցին։
- Օրենքները պահպանելու ենք եւ որեւէ օրենք չենք խախտելու։
- Հետաքրքրվե՞լ եք՝ առողջապահության մասով ինչպիսի՞ն են տրամադրություները հանրաքվեի մասով։
- Ի պաշտոնե չեմ հետաքրքրվել, հավանաբար, կուսակցությունում նման խոսակցություներ եղել են ընդհանրապես տրամադրվածությունների մասով, եւ վստահ եմ, որ «Այո»-ն հաղթելու է։
- Դուք՝ որպես առողջապահության նախարար, ինչպե՞ս եք քաղաքացիներին համոզելու, որ պետք է «Այո» քվեարկել։
- Ինչպես որ մնացած բոլոր քաղաքական գործիչները։ Սա պարզապես մի «Այո» չէ, սա երկրի ժողովրդավարացման ճանապարհին անկյունաքարային գործընթաց է, առանց որի այդ ժողովրդավարացման գործընթացը վտանգված է։
- Հրայր Թովմասյանի գոյությունն ինչո՞վ է խոչընդոտում առողջապահության ոլորտի զարգացմանը։
- Ես Հրայր Թովմասյանի անձով ոչինչ չեմ պայմանավորում, սա ընդամենը Սահմանադրությամբ նախատեսված Սահմանադրական դատարան ունենալու ճանապարհին կարեւոր քայլ է, որը մենք էս պահին չունենք։
Կարծիքներ