Արտաքին ֆինանսական օգնությունն էլի կկրճատեն 

ԱՄՆ նախագահ Դոնալդ Թրամփը կկրճատի նախկինում սահմանված «արտակարգ բյուջետային ծախսերը» 3 միլիարդ դոլարով, որից 2,5 միլիարդը նախատեսված էր արտաքին ֆինանսական օգնության ցուցաբերման համար։ Այս մասին հայտնում է Semafor պարբերականը, վկայակոչելով Սպիտակ տան իր աղբյուրներին։

Վերոնշյալ 2,5 միլիարդ դոլարը, որը Թրամփը կրճատելու է, նախատեսված է եղել տրամադրել այն ոչ կառավարական կազմակերպություններին, որոնք զբաղվում էին միգրանտների եւ փախստականների հարցերով։ Այս հոդվածի ներքո է եղել նաեւ Մոլդովայի եւ Վրաստանի տնտեսությունների զարգացման համար կատարվելիք հատկացումները, ինչպես նաեւ՝ ներառականության ապահովման հետ կապված ծրագրերը։ Կրճատումները ամենայն հավանականությամբ չեն ազդի դաշնակիցներին, այդ թվում՝ Ուկրաինային ցուցաբերվող ռազմական օգնության վրա։