Հակակառավարական ցույցերին մասնակցել է ավելի քան 600 հազար մարդ
Hraparak
26 Մարտ 2023 | 13:00
0
Մոտ 630,000 իսրայելցիներ մարտի 25-ին երթի են դուրս եկել՝ բողոքելով ամբողջ երկրում դատական բարեփոխումների դեմ, հայտնում է Times of Israel-ը:
Աղբյուրի փոխանցմամբ, միայն Թել Ավիվում ցույց է անցկացրել շուրջ 300 հազար մարդ։
Դատաիրավական բարեփոխումների դեմ բողոքի ակցիաների կազմակերպիչները պնդում են, որ երեկ երեկոյան շուրջ 630 հազար մարդ մասնակցել է համազգային ցույցերին։
Իսրայելցիներն արդեն 12-րդ անընդմեջ շաբաթն է, ինչ դեմ են արտահայտվում վարչապետ Բենիամին Նեթանյահուի կառավարության կողմից իրականացվող բարեփոխումներին։
Ենթադրվում է, որ Նեթանյահուի կաբինետի կողմից առաջ քաշված օրինագիծը կսահմանափակի Գերագույն դատարանի ազդեցությունը Իսրայելում հիմնական օրենքների ընդունման գործընթացի վրա։
Կարծիքներ