Ես միշտ կանգնելու եմ հայ համայնքի կողքին. Ադամ Շիֆ
Ամերիկայի Միացյալ Նահանգների Կոնգրեսի Ներկայացուցիչների պալատի Հետախուզության հանձնաժողովի նախագահ, հայամետ կոնգրեսական Ադամ Շիֆը ֆեյսբուքյան իր էջում գրել է, որ միշտ կանգնելու է հայ համայնքի կողքին։
«Ես միշտ կանգնելու եմ հայ համայնքի կողքին` հարգելու Հայոց ցեղասպանության նահատակ սրբերին, և մեր աշխատանքները շարունակվում են, քանի որ մենք շարունակում ենք պայքարը հանուն արդարության և հատուցումների», - գրել է Հայոց ցեղասպանության ճանաչման հարցում տարիներ շարունակ պայքարած ամերիկացի գործիչը։
Շիֆը նաև անդրադարձել է Արցախին։ «Ես միշտ կանգնելու եմ հայ համայնքի կողքին, քանի որ մենք պահանջում ենք խաղաղություն և անկախություն Արցախի համար», - նշել է կոնգրեսականը։
«Ես միշտ կանգնած կլինեմ հայ համայնքի կողքին, քանի որ մենք ամրապնդում ենք մեր կապերը Հայաստանի հետ:
Միշտ», - եզրափակել է Ադամ Շիֆը։
Կարծիքներ