Ինչ ազդեցություն կունենան ԱՄՆ նախագահական ընտրությունները ռուբլու փոխարժեքի վրա

Ռուսական ռուբլու փոխարժեքը բավականին կախում ունի այն բանից, թե այս տարվա նոյեմբերի երեքին ԱՄՆ-ում տեղի ունենալիք նախագահական ընտրություններում որ թեկնածուն կհաղթի։ Այս մասին հայտարարել է անկախ ֆինանսական խորհրդատու Վիտալի Կալուգինը։

Ըստ փորձագետի, թեկնածուների մեկի հաղթանակը կարող է արմատական փոփոխություններ կատարել առհասարակ արժութային շուկայում՝ ողջ աշխարհում։ Եթե վերընտրվի նախագահ Թրամփը, ապա ռուբլին կվերադառնա դոլարի հանդեպ 1 դոլարը 68 ռուբլի փոխարժեքին։ Եթե Բայդենը հաղթի, ապա դոլարը կարող է թանկանալ մինչեւ 1 դոլարը 85 ռուբլու փոխարժեքային սահմանին, ինչը ռուսական միջավայրում կարող է կտրուկ գնաճի բերել։