Հպարտ եմ, որպես քո ապագա երեխաների մայր
Գրոսմայստեր Լեւոն Արոնյանը օրերս դարձավ 39 տարեկան: Նրա ընկերուհին՝ Անիտա Այվազյանը, հրապարակել է համատեղ լուսանկարնր՝ կից գրելով.
«Իմ սեր Լեւոն, քեզ բոլորը կոչում են «արեւ տղա», որովհետեւ քեզնից լույս է ճառագում ու քո կենսուրախությամբ վարակում ես բոլորին: Սովորաբար հոբելյարն ամենաուրախն է լինում իր ծննդյան առթիվ: Սակայն սա այդ դեպքը չէ. քո ծնունդով ուրախանում են տասնյակ մարդիկ: Քո ծնունդով դու ոգեշնչել, ուժ ես տվել ու շարունակում ես հպարտացնել մի ողջ ազգի: Քո ծնունդով դու նոր շունչ ես տվել քո սիրելի գործին ու հասել նրան, որ այսօր աշխարհում վարկանիշով չորրորդն ես շախմատի ողջ պատմության մեջ: Անկասկած, քո կյանքը եղել է, կա ու կլինի մայրիկիդ՝ տիկին Սեդայի ապրելու իմաստը: Քո ծնունդն այժմ արդեն ամենաուրախալի օրն է ինձ համար: Ես սովորել եմ գնահատել կյանքում ամենակարեւոր արժեքները, ես ամեն օր ճաշակում եմ ամենահամեղը կյանքում՝ սիրելը եւ սիրված լինելը, ու այդ ամենը քո շնորհիվ: Սակայն իրականում ծննդյանդ օրն այնքան էլ բացառիկ չէ ինձ համար. չէ՞ որ ես վերածնվում եմ քո կողքին ամեն օր; Հպարտ եմ, որ դու կաս: Հպարտ եմ որպես կին, որպես հայ, որպես քո ապագա երեխաների մայր եւ որպես հասարակ մարդ, ով գիտակցում է քո մեծությունը: Դու ուրիշ ես… Եվ քո հանճարեղությունը նրանում է, որ դու, լինելով հանճար՝ տաղանդավոր ու կայացած, միեւնույն է, այսչափ բարի ես, հասարակ, անմեղ, մաքուր ու նվիրված: Նվիրված՝ ընտանիքիդ, սիրելիներիդ, ընկերներիդ, քո գործին ու հայրենիքիդ: Ես շնորհակալ եմ Աստծուն եւ ավելին ասելն էլ ավելորդ է, քան խոստանալ սիրել քեզ, ամուր թիկունք լինել, երջանկացնել քեզ ու ողջ կյանքում կրկնել «Ես քեզ սիրում եմ, իմ Լեւոն»»,-գրել է Անիտան:
Կարծիքներ