Մարզական էմբարգոն հանվու՞մ է․ ռուսները կկարողանան մասնակցել Օլիմպիական խաղերին
Hraparak
28 Հունվար 2023 | 18:00
0
Ռուս մարզիկները կարող են մասնակցել Օլիմպիական խաղերին, բայց պայմանով
Ազգության պատճառով մարզիկներին Օլիմպիական խաղերին մասնակցել թույլ չտալը չի համապատասխանում Օլիմպիական խարտիայի արժեքներին։ Այս մասին հայտարարել է Միջազգային օլիմպիական կոմիտեի (ՄՕԿ) նախագահ Թոմաս Բախը։
«Մարզիկներին իրենց անձնագրերի պատճառով հեռացնելը չի համապատասխանում Օլիմպիական խարտիայի առաքելությանը: Միգուցե ռուս և բելառուս մարզիկները կարողանան չեզոք դրոշի ներքո հանդես գալ 2024 թվականի Օլիմպիական խաղերում»,- Բախի խոսքերը մեջբերում է Sport24-ը։
Ավելի վաղ Օլիմպիական կոմիտեի պաշտոնական կայքում նշվում էր, որ ՄՕԿ-ի գործադիր խորհուրդը ողջունում է Ասիայի օլիմպիական խորհրդի (ԱՕԽ) որոշումը մրցումներին ռուս մարզիկների մասնակցության վերաբերյալ։ Պայմանն այն է, որ ռուս մարզիկները պետք է պահպանեն Օլիմպիական կանոնադրությունը և հակադոպինգային օրենսգիրքը:
Հիշեցնենք, որ ՌԴ քաղաքացիություն ունեցող մարզաշխարհի ներկայացուցիչների նկատմամբ պատժամիջոցներ են սահմանվել Ուկրաինայում Ռուսաստանի Դաշնության հատուկ գործողության պատճառով։
Կարծիքներ