Գիտնականները հայտնաբերել են մայա ժողովրդին պատկանող հնագույն կառույց
Հնագետները Մեքսիկայում հայտնաբերել են մայա ժողովրդին պատկանող, մինչ այժմ անհայտ, հնագույն կառույց, օգտագործելով լազերային ճառագայթների օգնությամբ հեռահար օդային զոնդավորման տեխնոլոգիան, որը թույլ է տալիս մակերեւույթի տակ գտնվող օբյեկտների մասին ստանալ հստակ տեղեկություններ։ Այս մասին հայտնում է Nature պարբերականը։
Ըստ հաղորդման, Տաբասկո համայնքում, որը գտնվում է մեքսիկա-գվատեմալյան սահմանի մոտ, հայտնաբերվել է հսկայական մի հուշարձան, որը թվագրվում է մեր թվարկությունից առաջ 1000-800 թթ։ Այն իրենից ներկայացնում է արհեստական հարթակ, որն ունի 1413 մետր երկարություն, ձգված հյուսիսից հարավ եւ 399 մետր լայնություն՝ արեւելքից արեւմուտք ձգվածությամբ։ Հարթակի բարձրությունը 10-15 մետր է։ Հարթակից ինը լայն ճանապարհներ են սկիզբ առնում։ Այն իրենից կարծես թե թռիչքահարթակ է ներկայացնում։ Հայտնագործությունը մայաների քաղաքակրթության ուսումնասիրության համար ունի բացառիկ նշանակություն եւ կարող է նորովի մեկնաբանման առիթ դառնալ մայա ժողովրդի պատմության եւ թողած մշակութային ժառանգության համար։
Կարծիքներ