ՀՀ բոլոր մարզերում առանձնացվել են դահլիճներ, որոնք անհրաժեշտության դեպքում կվերածվեն հոսպիտալների. նախարար
Առողջապահության նախարար Արսեն Թորոսյանն այսօր հրավիրված ասուլիսում անդրադարձավ Մարզահամերգային համալիրում մահճակալների տեղադրմանը:
«Ուզում եմ տեղեկացնել, որ մահճակալներ նախատեսվում են ոչ միայն Համալիրում, այլև ՀՀ բոլոր մարզերում առանձնացվել են դահլիճներ, որոնք անհրաժեշտության դեպքում կվերածվեն հոսպիտալների միջին ծանրության, միգուցե նաև ծանր պացիենտների համար: Մենք պետք է պատրաստ լինենք ցանկացած սցենարի: Եվ դրա մեջ որևէ տարօրինակ բան չկա, տարօրինակ կլիներ, եթե էդպիսի սցենարներ չքննարկվեին: Քննարկվում են շատ ավելի վատ սցենարներ նաև, ինչպես շատ երկրներում, երբ որ հնարավոր է ընդհանրպես հիվանդանոցներում, այդ թվում՝ մարզադահլիճներում տեղ չլինի պացիենտներին բուժելու համար»,-ասաց Արսեն Թորոսյանը:
Նրա խոսքով, եթե այդպիսի իրավիճակ, ամեն դեպքում, զարգանա, մենք պետք է պատրաստ լինենք դրան, ինչպես ցանկացած արհավիրքի դպքում՝ պատերազմի, երկրաշարժի, ջրհեղեղի և արտակարգ այլ իրավիճակների դեպքում…
«Համաճարակը ոչնչով չի տարբերվում իմ նշած մյուս մասսայական զանգվածային արհավիրքներից»,-ասաց նախարարը:
Կարծիքներ