Նամակ - խնդրանք ԱՄՆ նախագահ Ջո Բայդենին
Ձերդ գերազանցություն,
Թույլ տվեք հայտնել մեր բարձր հարգանքը Ձեր և ամերիկյան ժողովրդի հանդեպ, ինչպես նաև հայցել Ձեր ներողամտությունը՝ Ձեր երկրի և համաշխարհային նշանակության կարևոր գործերից շեղելու համար:
Վերջերս տեղեկացանք, որ ԱՄՆ-ի և ՆԱՏՕ - ի ռազմական կոնտինգենտը լքել է Բահրամ ավիացիոն բազան: Որոշների համար այդ կազմակերպված գործողությունը եղել է անակնկալ, ինչպես նաև առաջացրել զարմանք, թե ինչպես էր հնարավոր դա անել գրեթե աննկատ ու այդքան արագ: Գերազանց է:
Նկատի ունենալով աշխարհի տարբեր մասերում ԱՄՆ-ի մարդասիրական առաքելությունների հարուստ պատմությունը, կարող ե՞ք, արդյոք, մի այդպիսի առաքելություն իրականացնել արյունահոսող Հայաստանում: Խոսքը վերաբերում է Բահրամի նմանությամբ մի օպերացիա մշակելու և իրագործելու մասին:
Հնարավո՞ր է մեկ օրում Հայաստանից տարհանել մեր միջի թուրքերին (հայցում ենք իսկական թուրքերի ներողամտությունը. այդ բառն օգտագործվում է մեզանում տևական ժամանակ արմատավորված բացասական երևույթների նույնականացման նպատակով և կապ չունի թուրք ժողովրդի հետ):
Հույսով, որ այս խնդրանքի արձագանքը կլինի այնպես արագ, ինչպես եղել 1915 թվականի սեպտեմբերին Ամերիկայի Միացյալ Նահանգների Պետական դեպարտամենտի արձագանքը՝ Օսմանյան կայսրությունում ԱՄՆ դեսպան Հենրի Մորգենթաուի հեռագրին, որից հետո անհապաղ միջոցներ ձեռնարկվեցին ցեղասպանությունից փրկվածներին օժանդակություն ցուցաբերելու համար:
Կանխավ շնորհակալություն:
Հրաշքի ակնկալիքով՝
Գագիկ Վարդանյան
Տնտեսագիտության դոկտոր, պրոֆեսոր
Կարծիքներ