Առաջարկվել է անցկացնել Հարիս-Թրամփ բանավեճի երկրորդ փուլ 

Fox News հեռուստաընկերությունն առաջարկել է անցկացնել ԱՄՆ առաջիկա նախագահական ընտրություններում դեմոկրատների թեկնածու Քամալա Հարիսի եւ հանրապետականների թեկնածու Դոնալդ Թրամփի հեռուստաբանավեճի երկրորդ փուլը։ Այս մասին տեղեկանում ենք հեռուստաընկերության կայքից։ Համաձայն հաղորդման, հեռուստաընկերությունն արդեն իսկ հրավեր նամակներ է ուղարկել երկու թեկնածուներին էլ։

Նշենք, որ Fox News-ն արդեն իսկ առաջարկել էր, որպեսզի հեռուստաբանավեճն անցկացվեր իր տաղավարում, սակայն Քամալա Հարիսը մերժել էր այդ առաջարկը։ Նամակում ներկայացվել են նաեւ այն պայմանները, որոնք պետք է պահպանեն թեկնածուները, եթե համաձայնեն առաջարկին եւ անցկացվի հեռուստաբանավեճի երկրորդ փուլը։